Menu

Біз біргеміз

Жауапкершілігі жоғары өндіруші ретінде Carlsberg Kazakhstan компаниясы жыл сайын корпоративтік әлеуметтік жауапкершілік және тұрақты даму саласындағы жобаларды жүзеге асырады. Көптеген қазақстандық компаниялар мен қарапайым қазақстандықтар секілді біз де COVID-19 пандемиясымен күресте көмек беру үшін өз үлесімізді қостық.

Осы жылдың көктемінде компаниямыз 300 қорғаныштық көзілдірік сатып алып, Алматы қаласының медициналық ұйымдарына таратты, сондай-ақ өз өнімдерін (Балтика 0 және FlashUp брендтері) пандемиямен күрестің алғы шебінде болған адамдарға –барлық мұқтаж жандарға азық-түлік жинақтаумен және жеткізумен айналысқан волонтерлерге, бетперде және қорғаныш костюмдерін тігетін цехтардың жұмыскерлеріне, блок-бекеттердің қызметкерлеріне –тегін үлестірді.

Қазіргі таңда коронавирустық инфекцияның болжамдалған күзгі «екінші толқынына» дайындық аясында компания елдің медициналық техникадан тапшылық көріп отырған өңірлерін басымдық ретінде белгілей отырып, COVID-19 инфекциясын жұқтырғандарды тиімді емдеуге арналған медицина жабдықтарын жеткізуге көмек беруді ұйғарды.

Осы қайырымдылық жобасының аясында «Мейірім» ерікті қоғамы» қоғамдық қорымен ынтымақтаса отырып, 5 оттегі концентраторы мен 9 пульсоксиметр сатып алынды, олар Қордың көмегімен өңір тұрғындарын ойдағыдай емдеу үшін медициналық техникаға зәру Қарағанды қаласындағы «Гиппократ» госпиталінің инфекциялық стационарына және Теміртау қаласындағы облыстық жедел жәрдем станциясына табыс етілетін болады.

байланыстар

Байланысу үшін

корпоративтік қатынастар бойынша көшбасшы, ТОО "Carlsberg Kazakhstan" ("Карлсберг Казахстан" ЖШС)

Мария Горохова

Tel +7 (727) 321 01 00 (ішкі 289), моб. +7 777 551 0 289 Email [email protected]